انځوریز رپوټ: په چین کې له ښيښې جوړ تر ټولو ښایسته پلونه

په دې وروستیو کلونو کې په چین کې ډېر پلونه د سیلانیانو له پاره له ښيښې جوړ شوي دي. د بي بي سي شبکې د اټکل له مخې په دغه هیواد کې ۲۳۰۰ ښيښه یي پلونه موجود دي. دغه ۴۰۰ متره اوږد پل په ۲۰۱۸م کال کې د یولانګ په ځنګلي پارک او د چین په هاینان ایالت کې جوړ شوی دی.

دغه ښيښه یي پل یا لاره چې ۴۰۰ متره اوږوالی لري د هاینان ولایت په یولانګ ځنګلي پارک کې د ۲۰۱۸م کال په جولای میاشت کې جوړ شوی دی.

د ژانګجیاجي په پارک کې یو بې ډریوره بس له یوه تر ټولو اوږد ښيښه یي او لوړ پل څخه د تیریدو په حال کې لیدل کیږي. دغه پل ۴۳۰ متره اوږدوالی، ۶ متره سور او ۳۶۰ متره لوړوالی لري.

د ژانګجیاجي کیبلي ښيښه یي پل د ۲۰۱۶م کال د جون میاشتې پر ۱۲ نېټه د سیلانیانو پر مخ پرانیستل شو. له دغه پل څخه د تیریدو له پاره باید ټکټ واخیستل شي. ۸۰۰ کسان په یوه وخت کې له دې پل څخه تیریدلی شي.

د کینګوان پر ښيښه یي کیبلي پل د چین د نوي کال (۲۰۲۱م کال) د مراسمو ترسره کیدل.

د ګوانګشي په ایالت کې د لیوژو په غرنیزه سیمه کې ښيښه یی کیبلي پل.

د یوننان په ایالت کې د ګوینګلونګ د کلي دپاسه واقع دغه پل په ۱۰۸ متره لوړوالي کې جوړ شوی دی چې ۱۸۸ متره اوږدوالی لري. کله چې سړی پر دې ښيښه يي پله تيريږي، نو ډېر ويريږي.

د فوشان کیبلي پل ۳۷۵ متره اوږدوالی لري او د ۲۰۲ مترو په لوړوالي کې جوړ شوی دی. پر دې پله حتی د چین د عنعنوي جامو ننداره هم ترسره کیږي.

د هونان په ایالت کې د یویونګ پر ښيښه یي پله نڅا.

د چین په ختیځ ولایت هبئې کې دغه ښيښه یي پل یا لاره ۲۶۶ متره اوږدوالی او ۲ متره سور لري چې د سمندر له سطحې څخه په ۱۱۱۰ متره لوړوالي کې جوړ شوی دی.

پیکنګ ته نږدې د فانګشان په سیمه کې د ښیښه یي کیبلي پل دپاسه د «تای چي» ورځې لمانځنه.

د شینیوزای ښيښه یي کیبلي پل ۳۰۰ متره اوږدوالی او ۱۸۰ متره لوړوالی لري. دغه پل د چین په مرکزي ایالت هونان کې موقعیت لري. د دې پل په جوړولو کې له پلکسي ګلاس څخه استفاده شوې ده.

دغه پل د «لیوژو» ښار د یوې لوړې ودانۍ (برج) په بهرنۍ سطحه کې د ۳۰۳ مترو په لوړوالي کې جوړ شوی دی چې ۲۰۸ متره اوږدوالی او یونیم متره سور لري.