په مسکو کي د جنرال د وژني په تور يو کس نیول سوی دی
۱۴۰۳ آذر ۲۸, چهارشنبه
په مسکو کي د پلټنو کمېټې د چهارشنبې په ورځ (۲۰۲۴م کال د ډسمبر ۱۸) خبر ورکړی دی: "په ۱۹۹۵م کال کي زېږیدلی یو ازبک تبعه نیول سوی دی." د نوموړې کمېټې د معلوماتو له مخې پر هغه باندي تور لگول کیږي چي دغه برید یې کړی دی.
د سې شنبې په ورځ سهار وختي په مسکو کي په دغه بريد کي د راډیو اکټیفو، بیولوژیکي او کیمیاوي بریدونو پر وړاندي د مخنیوي له پاره د روسیې د ځواکونو قوماندان ایگور کیریلوف، او د هغه مرستیال الیا پولیکارپوف، ووژل سول. د مسکو د معلوماتو له مخي تورن کس اعتراف کړی دی چي «د اوکرایني ځانگړو ځواکونو له خوا گومارل» سوی وو.
د کمېټې په معلوماتو کي زیاته سوې ده، چي تورن کس اقرار کړی دی چي د دغه برید په هدف یې مسکو ته سفر کړی وو. په یوه کرايي موټر کي نصب سوي د څارني یوې کمرې چي له ودانۍ څخه بهر پارک سوی وو، دغه پیښه فملبرداري کړې ده چي په ژوندۍ بڼه خپره سوې ده.
ویل کیږي چي بریدگر کس ته د دغه برید په بدل کي، د ۱۰۰ زره ډالرو د ورکولو او «په یوه اروپايي هیواد کي» د اوسېدو ژمنه سوې وه.
جنرال کیریلوف د روسیې د پوځ یو لوړپوړی چارواکی دی، چي په ۲۰۲۲م کال کي پر اوکراین باندي د روسیې له برید راهیسي د روسیې په خاوره کي وژل کیږي.