تايلنډ کې د جنسي تېري کوونکو داوطلبه خسيان
۱۴۰۱ آبان ۷, شنبه
د تايلنډ شاهي جريدې د تالينډي رسنيو په حواله داسې قانون صادر کړی چې د ۲۰۲۳ کال د جنورۍ په ۲۵مه به اجرا کيږي. هغه د جنسي غريضې د کمولو په موخه داسې »طبي لارو چارو« ته اجازه ورکوي لکه د هورمون ضد دارو درملو ترزيق يعنې د ستنې لګولو له لارې د شوق د راکمد تایلند پاچا له «آلمان څخه پر خپل هيواد حکمراني کوي»ولو درملنه. دغه کيمياوي خسيان د جنسي تېري کوونکو د بيا ځلو جرمونو او بريدونو د مخې نيولو په هدف ترسره کيږي.
په بانکاک کې د عدليې وزارت د څرګندونو له مخې ۵۰ سلنه د سختو جنسي جرايمو په تور محکوم شوي کسان له زندان څخه تر آزادېدو د دريو کلونو په ترڅ کې بېرته عين کړنې تر سره کوي. د دغو معلوماتو په حواله له ۱۶ زره ۴۱۳ مجرمو کسانو څخه چې د ۲۰۱۳ او ۲۰۲۰ کلونو ترمنځ له بند نه خوشې شوي دي، ۴۸۰۰ تنو بيا جنسي جرمونه ترسره کړي دي.آيا د نوم بدلون د انسان برخليک بدلولی شي؟
په ۲۰۲۰ کال کې ۷۸ سلنه د يوې آنلاين يا پرليکه ټولپوښتنې ګډون کوونکو د کيمياوي خسيان د پلي کېدو پلويتوب کړی وو. کيمياوي خسيان يا د پېچکارۍ په مرسته د جنسي غريضې له منځه وړل د اندونيزيا، پاکستان او سويلي کوريا په څېر آسيايي هېوادونو کې يو قانوني عمل بلل کيږي.
کی ان ای/ن. ص./ا. ا.