امريکا پر البانيا بيا سايبري بريد غندلی دی

البانيا د شنبي په ورځ اعلان کړی چې دغه هيواد يو ځلي بيا د سايبري بريد هدف گرځېدلی دی. د البانيا د داخله چارو وزارت د دغه خبر په اعلانولو سره زیاته کړې ده چې د جمعي په ورځ د هېواد د داخله چارو وزارت کمپيوتري سيستمونه تر سايبري بريد لاندي راغلي.

البانیا وايې، دغه بريد د هماغه سرچيني له خوا ترسره شوی چې په دي وروستیو کی له ايران سره د دغه هيواد د اړيکو پريکيدلو سبب شوی.

له دغي موضوع سره په غبرگون کي د امريکا د بهرنيو چارو وزارت وياند ند پرايس د يکشنبې په ورځ پر خپل ټويټر ليکلي: «موږ پر خپل متحد او ناټو غړي هيواد البانیا باندي د سپتمبر پر نهمه نېټه سايبري بريد سخت غندو.»

ویاند ټينگار کړی چې «امريکا به د البانيا تر څنگ، د خپلو نورو متحدینو او شريکانو سره د سايبري او ويجاړونکو عواملو پر وړاندي د دفاع پياوړتيا ته دوام ورکړي.»