انځورونه: په هرات کې د انګورو نندارتون

په هرات کې سل ډوله انگور موندل کیږي.

په دې ولایت کې د انګورو تر ټولو ډیر ډولونه په ګذره ولسوالۍ کې دي.

هرات له دوو کلونو راهیسې د انګورو نندارتون جوړوي.

سږ کال دغه نندارتون د اروپايي ټولني په همکارۍ جوړ شو.

د پنجشنبې ورځې په نندارتون کې ۸۵ ډوله انګور نندارې ته وړاندې شوي ول.

افغان بزګر وايی چې ډیر وخت یې محصولات د بازار او سوړځایونو د نه شتون له کبله خرابیږي.

افغان چارواکي وایی چې د سوړخایونو او د کرهنې د ماشیني کولو له پاره یې هڅې پیل کړې دي.

افغان چارواکي وايي چې د سوړځایونو له جوړیدو سره به بزګرو د عاید کچه هم لوړه شي.

انګور د افغانستان له فصلي محصولاتو له ډلې څخه دی.

د انګورو په فصل کې د هغه بیه راټیټیږي خو بیا کله چې یې فصل نه وي بیه یې ډیره لوړیږي.

د کندهار او لغمان انګور

د لغمان د مهترلام بابا او د کابل د شکردرې انګور

د تخار د رستاق او د لغمان د مهترلام بابا انګور

د بلخ د خلم او د سمنګان د سلطان انګور

د جوزجان د شیرغان او د لغمان د مهترلام بابا انګور

د سرپل او د هرات د ګذرې انګور

د هرات د انجیل او لغمان د مهترلام بابا انګور