د آلمان پلاوي د هیئت تحریر شام ډلي له استازو سره کتلي
۱۴۰۳ آذر ۲۸, چهارشنبه
آلمان د هغو هیوادونو له جملې څخه دی چی دبشار الاسد د حکومت له سقوط وروسته، له سوریې سره د نوو اړیکو د ساتلو په لټه کی دی.
دآلمان د بهرنیو چارو وزارت ویلي دي: «زموږ خبري اترې د سیاسي انتقال پر بهیر او په سوریه کې د سوله ایز پرمختګ د ملاتړ له پاره د لږکیو او د ښځو د حقونو د ساتنې په اړه موږ پرهیلو متمرکزې وې.»
د آلمان د بهرنیو چارو وزارت د وینا له مخې، د سې شنبې د ورځې پر بحثونو سربیره، نوموړي هیئت همدارنگه «په دمشق کي د جرمني سفارت له ودانۍ څخه لومړنۍ ارزونه» هم ترسره کړه.
اړوند:آیا تر اسد وروسته به د ایران رژیم هم سقوط وکړي؟
نوموړي وزارت د ایکس پر ټولنیزې پاڼې ویلي: «اسد په وار وار په سوریه کي د خلکو پر وړاندي له کیمیاوي وسلو څخه کار اخیستی دی. اوس د بشپړو پلټنو او د سوریې د کیمیاوي وسلو د له منځه وړلو له پاره یو فرصت موجود دی. موږ به لا ډیره بودیجه د کیمیاوي وسلو د منع کولو سازمان په اختیار کي ورکړو. او همدارنگه به نن د دمشق په خبرو اترو کي هم پر دې موضوع بحث وکړو.»
دغه هیئت په منځني ختیځ کي د آلمان د استازي توبیاس تونکل، له خوا رهبري کیده او په هغه کي د جرمني د پراختیايي چارو وزارت استازي هم حضور درلود.
د دغه آلماني پلاوي لیدنه کتنه پس له هغه وسوه چي د بریتانيا ډیپلوماټانو د دوشنبې په ورځ د هیئت تحریر شام د ډلي له مشر احمد اشرع، سره چي پخوا په محمد الجولاني مشهور وو، خبري اترې وکړې.
له بلې خوا، اروپايي ټولني د سې شنبې په ورځ اعلان وکړ چي د سوریې له نوي مشرتابه سره د اړیکو تر ټینگولو وروسته به په دمشق کي خپله نمایندگي پرانیزي.
د اروپا کمېسیون مشري اورزولا فون دیرلاین، د ترکیې له ولسمشر رجب طیب اردوغان ، سره په خبرو اترو کي په انقره کي وویل: «اوس باید اقدام وکړو او له هیئت تحریر شام او نورو خواوو سره خپل مستقیم تعامل ته ادامه ورکړو.»
اړوند:ایران: په سوریه کې د سفارت بیا پرانیستنې لپاره »لازمو شرایطو« ته منتظر یو
په عین حال کي، د ایسنا خبري آژانس دایران د بهرنیو چارو وزارت د ویاند له خولې ویلي دي چي دغه هیواد به په اوس وخت کي په دمشق کي خپل سفارت د «سیاسي او امنیتي شرایطو تر برابرولو پوري» تړلی پریږدي.