میرمنې فکر کوي چې که خواړه خراب کړي، میړونه به یې وډبوي!

په چاد افریقايي هیواد کې ۴۸،۶ سلنه میرمنې د خوړو د سوځولو یا خرابولو پر مهال د میړنو لخوا وهل توجیه کوي.

سینیګال هم د هغو افریقايي هیوادونو په ډله کې دی چې ۲۲،۶ سلنه پوښتل شوې میرمنې یې د خوړو د سوځولو له امله د میړنو لخوا وهل د توجیه وړ یو عمل ګڼي.

په افغانستان کي پوښتل شوې ۱۸،۲ سلنه میرمنې په دې باور دي چې که چیرته خواړه وسوځوي یا خراب یې کړي، میړه یې حق لري چې دوی ووهي.

په روڼدا افریقايي هیواد کې بیا ۸،۹ سلنه پوښتل شوې میرمنې د میړونو لخوا د خوړو د سوځولو په بدل کې وهل د توجیه وړ کار ګڼي.

په زیمبابوې کې بیا ۸،۱ سلنه میرمنې د خوړو د سوځولو له امله د میړونو لخوا وهل د توجیه وړ یو عمل ګڼي.

د نړیوال بانک د معلوماتو په اساس په ګواتیمالا کې ۴،۲ سلنه پوښتل شوې میرمنې د میړونو لخوا وهل او ډبول کیدل د توجیه وړ کار ګڼي.

په کولمبیا کې بیا یوازې ۱،۱ سلنه میرمن د خوړو د سوځولو پرمهال د میړونو لخوا وهل کیدل توجیه کوي. د خوړو د سوځولو په بدل کې د میړونو لخوا د میرمنو د وهلو په هکله دغه معلومات نړیوال بانک راټول کړي او کولی شئ چې له دې ځایه نور معلومات ترلاسه کړئ: www.worldbank.org