په سالمو خوړو سره د وزن کمول

اوبه ډېري وڅښئ. د بېلگې په توگه کي ۶۰ کيلوگرامه وزن ولرئ د ورځي بايد ۱،۸ ليتره اوبه وڅښئ.

فيزيکي فعاليت بدن گړندی کوي. ضرور نه ده چي په ساعتونو په لوبغالو کي سړی وځغلي او خولې توی کړی. تاسي کولای سئ د ورځي خپل ځان ته يو وخت وټاکی او پياده کښتی وکړئ. پياده گښتي د وازگي ويلي کولو سبب کيږي.

د سره کړو کچالانو له خوراکه ډډه وکړئ. د هغه پر ځای د ورځي دوې ميوې او سبزي وخورئ.

له خوړو خوند واخلئ. هره گوله کرار وژووئ او په ډېرو لږ خوړو سره مړېدلای هم سئ.

يوه کوچنۍ کتابچه ولرئ او هر څه چي د ورځي خورئ هغه وليکئ. د دې له پاره چي روښانه وي، څه مو څومره اندازه خوړلي دي. څو ورځي وروسته بيا له دغو ياداښتونو سره د پرتلې له مخي کولای سئ خپل ځان ته د خوړو وخت تنظیم کړئ.

پر مکرونيو باندي د غوړ تر تويولو به ښه وي چي د روميانو روب ورسره وخوړل سي.

د سپيني ډوډۍ پر ځای سبوس ډوډۍ وخورئ، ځکه چي سپينه ډوډۍ خوراکي ارزښت نه لري خو سبوس ډوډۍ بيا قند او غوړ زېرمه کوي او سړی ډېر لږ د لوږي احساس کوي.

کوښښ وگړئ چي د قند پر ځای شات وکاروئ.

لږ خوب په بدن کي کي د سترس سبب گرځي. که سړی سم خوب ونه کړي په بدن کي د سترس (کورتيزول) هورمون توليديږي او په دې سره وزن زياتيږي. هر انسان بايد د شپې له ۷ تر ۸ ساعتونو پوري خوب وکړي. اوږد خوب د وزن د کمښت سبب کيږي. منظم خوب د وزن د کمښت سبب کيږي.

د سپې له خوا د وچي ډوډۍ، کروني او کچالانو پر ځای حبوبات وخورئ. دغه شان له هغو هورمونو سره مرسته کوي چي د خوب پر وخت فعاله کيږي.

خندا د وزن د کمښت سبب کیږي. د نوو څېړنو له مخي هغه انسانان چي د ورځي ۱۵ دقيقې خاندي د کالري سوځل ئې تر نورو ۲۰ سلنه زيات وي. خندا دغه راز د سترس هورمون مخنیوی کوي. سترس هورمون د وزن د زياتېدو سبب کیږي.

هغه څوک چي آرام ورزشي حرکتونه کوي وزن ئې کميږي.

په توروو اوبو کي لامبل هم د وزن د کمښت سبب کیږي.

د ورځي په خوراک کي بدلون د وزن د کمښت سبب کیږي. سبزيجات، مېوه، سبوس او لبنيات بايد د اصلي خواړه وگرځول سي. او د پخلی پرمهال بايد ډېر غوړ ونه کارول سي.

د ډوډۍ خوړلو ترمنځ بايد پنځه ساعته فاصله وي.

بدن ته لږ کالوري ورکړئ او په ورته وخت کي مو فزيکي فعاليت ډېر کړئ.