1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Në fokus
SiriaUkrainaGjermani - Zgjedhjet e Parakohshme 2025
Videot e fundit
Live TV

Kosova dhe Serbia arrijnë marrëveshje

Eliana Xhani (dpa, rtr)19 Prill 2013

Në negociatat mes Kosovës dhe Serbisë, të ndërmjetësuar nga BE, sot (19.4.2013) u arrit një marrëveshje. Marrëveshja është kusht për afrimin e të dy vendeve me BE-në.

https://p.dw.com/p/18Jbz
Fotografi: The Council of the European Union

Shefja e diplomacisë së Bashkimit Evropian, Lady Catherine Ashton, tha se kryeministrat e të dy vendeve kanë nënshkruar një marrëveshje gjatë bisedimeve në Bruksel, pas gjashtë muajsh negociatash delikate.

"Negociatat përfunduan. Teksti është nënshkruar nga të dy kryeministrat", tha Ashton për gazetarët.

Ministrja kosovare për Integrim, Vlora Çitaku, e konfirmoi në Twitter lajmin. Ndërsa ministri i Jashtëm kosovar Enver Hoxhaj, në Twitter komentoi: "Kjo marrëveshje është baza për normalizimin e marrëdhënieve mes nesh".

Marrëveshja pritet të hapë dyert për më shumë integrim ndërkombëtar të shtetit të ri kosovar. Beogradi shpreson që pas kësaj të marrë dritën e gjelbër të hënën nga 27 anëtarët e BE-së për fillimin e bisedimeve rreth anëtarësimit të Serbisë.