Borussia Dortmund iko Zenit St.Petersburg

Sambamba na pambano hilo pia Manchester United iko ugenini ikiumana na Olympiakos Piraeus ya Ugiriki.

Hata hivyo Borussia Dortmund ambayo ni moja kati ya timu nne za Ujerumani zilizofikia awamu hii ya timu 16 bora barani Ulaya, inaandamwa na mkosi wa majeruhi, ambapo , kocha Jürgen Klopp amesema hana hakika iwapo mshambuliaji wa kikosi hicho Robert Lewandowski atateremka dimbani, baada ya kuugua homa ya mafua. Pia kikosi hicho kitakosa huduma ya mlinzi wake Mats Hummels pamoja na mchezaji wa kati Even Bender.

Kesho Jumatano Schalke 04 inaikaribisha nyumbani Real Madrid na kikosi cha kocha Jose Mourinho cha Chelsea kitapimana nguvu na Galatasaray ya Uturuki.