1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaColombia

Colombia yakanusha kuwepo miili 20,000 uwanja wa ndege

Mohammed Khelef
7 Desemba 2024

Mamlaka nchini Colombia zimekanusha ripoti ya Umoja wa Mataifa inayodai kwamba miili ya watu 20,000 walipotezwa kwa nguvu kutokana na mgogoro wa miongo kadhaa imehifadhiwa kwenye uwanja wa ndege wa Bogota.

https://p.dw.com/p/4nrgy
Rais Gustavo Petro wa Colombia
Rais Gustavo Petro wa Colombia.Picha: LUIS ACOSTA/AFP

Juzi, Alkhamis, Kamati ya Umoja wa Mataifa inayoshughulikia watu waliopotezwa kwa nguvu ilielezea kwamba "maelfu ya miili isiyotambuliwa ipo kwenye makaburi na maeneo ya kuhifadhia yasiyohudumiwa vyema" ilitaja eneo la uwanja wa ndege wa Bogota.

Hapo jana, meya wa mji huo mkuu wa Colombia, Fernando Galan, alikanusha ripoti hiyo, iliyotolewa baada ya ujumbe wa Umoja wa Mataifa kuitembelea Colombia, akiutaka Umoja huo kuthibitisha madai yake.

Soma zaidi: Polisi yagundua miili zaidi na kumtaja mshukiwa wa miili iliyotelekezwa sandukuni

Kitengo maalum cha kuwasaka watu waliotoweka nchini Colombia kinasema watu 104,000 walipotea wakati wa vita kati ya vyombo vya usalama, wapiganaji wa msituni, wanamgambo na makundi ya madawa ya kulevya kuanzia miaka ya 1960.