1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
SiasaMsumbiji

Mkuu wa upinzani Msumbiji arejea nchini kutoka uhamishoni

Babu Abdalla
9 Januari 2025

Venancio Mondlane amerejea nchini humo Alhamisi kutoka uhamishoni wakati vikosi vya usalama vikifyatua mabomu ya kutoa machozi kuwatawanya mamia ya wafuasi wake.

https://p.dw.com/p/4oyUv
Polisi wamefyatua mabomu ya kutoa machozi kuwatawanya mamia ya wafuasi wa Mondlane waliokusanyika karibu na uwanja wa ndege wa kimataifa kumkaribisha kiongozi huyo nyumbani
Polisi wamefyatua mabomu ya kutoa machozi kuwatawanya mamia ya wafuasi wa Mondlane waliokusanyika karibu na uwanja wa ndege wa kimataifa kumkaribisha kiongozi huyo nyumbaniPicha: ALFREDO ZUNIGA/AFP

Mondlane aliyekuwa mgombea wa kiti cha urais, alionekana akishuka kutoka kwenye ndege katika uwanja wa ndege wa Mavalane, ulioko kwenye mji mkuu, Maputo.

Kiongozi huyo wa upinzani aliondoka nchini humo mwezi Oktoba baada ya uchaguzi mkuu uliokumbwa na utata na kusababisha maandamano makubwa ya vurugu yalioitumbukiza nchi hiyo katika mzozo.

Amesema aliondoka nchini humo kwa kuhofia usalama wa maisha yake baada ya wanachama wawili waandamizi wa chama chake cha upinzani kuuawa na watu wasiojulikana mara tu baada ya uchaguzi.