1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
Michezo

Kocha wa Bremen azungumzia hali tete ya kifedha klabuni

Sekione Kitojo
8 Oktoba 2020

Kocha wa klabu ya Werder Bremen, Florian Kohfeldt, amezungumzia kuhusu "hali tete ya kifedha" katika klabu hiyo ya Ujerumani, Bundesliga, ambayo imeshindwa kumpata mbadala wa mchezaji muhimu aliyeondoka, Davy Klaassen.

https://p.dw.com/p/3jdPs
Fußball Bundesliga Relegation | 1. FC Heidenheim vs. Werder Bremen | EIGENTOR Heidenheim
Kocha wa Werder Bremen Florian KohfeldtPicha: Reuters/K. Pfaffenbach

Klaassen  amerejea  katika  klabu ya  Ajax Amsterdam  katika  siku ya  mwisho  ya  uhamisho siku ya Jumatatu kwa kitita cha  euro milioni 11. Pia  wanalenga  kumuuza  Milot Rashica  kwa  Bayer Leverkusen hali  ambayo  hata  hivyo  haikuweza  kufanikiwa.

 

"Hatujafikia  lengo  letu la  uhamisho kwa mtazamo wetu  wa  kispoti, " Kohfeldt amesema baada  ya mchezo wa  kirafiki dhidi  ya  St Pauli Hamburg, usiku wa  Jumatano.

Fußball Bundesliga Werder Bremen - Arminia Bielefeld
Wachezaji wa Werder Bremen Picha: Carmen Jaspersen/dpa/picture-alliance

"Lakini Werder Bremen imo  katika   hali  mbaya  ya  kifedha. Kila mmoja  ni  lazima  atambue hilo, na  kila  mmoja  ni  lazima apambane."

Maingwa hao wa zamani wa Bundesliga  wameathirika  pakubwa  na janga  la  virusi vya  corona na  uwanjani waliepuka  tu  kushuka daraja  msimu uliopita  katika  mpambano wa  mchujo dhidi ya timu ya  daraja  la  pili.
 

Wameanza msimu  mpya kwa  ushindi  mara  mbili kutoka michezo mitatu lakini Kohfeldt  alisema wanapaswa kuimarika "kutokana  na hali ya juu ya kitisho" katika  michezo.