1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Uhalifu

Kongo yawaachilia Wachina waliokamatwa kwa uchimbaji haramu

Iddi Ssessanga
26 Desemba 2024

Nchi hiyo ya Afrika ya kati inasema imekuwa ikipambana kuzuia makampuni yasiyo na leseni na wakati mwingine makundi yenye silaha kutumia hifadhi yake tajiri ya cobalt, cooper, dhahabu na madini mengine.

https://p.dw.com/p/4oZxX
Mgodi wa Bisie huko Kivu Kaskazin
DR Kongo ina utajiri mkubwa wa madini ya kila aina.Picha: ZUMA Press/IMAGO

Jamhuri ya Kidemokrasia ya Kongo imewaachilia huru raia 14 kati ya 17 wa China waliokamatwa kwa tuhuma za kuendesha mgodi wa dhahabu kinyume cha sheria.

Walikamatwa wiki iliyopita pamoja na wengine kutoka Kongo na Burundi kwa kushindwa kuonyesha nyaraka muhimu wakati wa operesheni dhidi ya uchimbaji haramu wa madini.

Soma pia: Je Ulaya ina nafasi gani katika soko la Cobalt ya Congo?

Gavana wa Mkoa wa Kivu Kusini, Jean-Jacques Purusi Sadiki, alisema alishtushwa na habari za kuachiliwa kwa watu hao, akiongeza kuwa wachimbaji hao wa Kichina walikuwa wanadaiwa dola milioni 10 kama kodi na faini.

Ubalozi wa China haujatoa tamko, huku ubalozi wa Burundi ukisubiri maelezo zaidi kutoka kwa mwakilishi wake Bukavu.