1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
MigogoroMashariki ya Kati

Maafisa: Mashambulizi ya Israel yaua watu 28 Gaza

Grace Kabogo
12 Desemba 2024

Maafisa wa afya wa Palestina wamesema takriban watu 28 wameuawa kwenye mashambulizi ya Israel katika Ukanda wa Gaza, wakiwemo watoto saba na mwanamke mmoja.

https://p.dw.com/p/4o4iF
Hali kwenye Ukanda wa Gaza
Hali kwenye Ukanda wa Gaza.Picha: OMAR AL-QATTAA/AFP

Moja ya mashambulizi hayo yametokea katika kambi ya wakimbizi ya Nuseirat, usiku wa kuamkia leo.

Mashambulizi mengine mawili yamesababisha vifo vya wanaume 15, ambao walikuwa sehemu ya walinzi wanaolinda misafara ya malori ya misaada.

Mauaji hayo yamefanyika saa chache baada ya Baraza Kuu la Umoja wa Mataifa kuidhinisha azimio la kutaka kusitishwa mara moja na bila masharti mapigano katika Ukanda wa Gaza.

Wakati huo huo, kundi la wanamgambo la Kipalestina la Hamas limesema limepongeza hatua ya Baraza Kuu la Umoja wa Mataifa kupiga kura ya kusitisha mapigano Gaza.

Hamas imesema hatua hiyo itawawezesha raia wa Gaza kupata mara moja huduma muhimu na misaada ya kiutu.