Maafisa wa Korea Kusini wataka Rais Yoon Suk Yeol akamatwe

Ofisi ya Uchunguzi wa Ufisadi inamchunguza Yoon baada ya kutangaza amri ya kuiweka nchi chini ya sheria ya kijeshi mnamo Desemba 3. Ofisi hiyo ilisema kwamba Yoon pia alikuwa amepuuza hati tatu za kuitwa mahakamani kwa ajili ya kuhojiwa. Korea Kusini imekuwa katika mzozo wa kisiasa tangu wakati huo.Bunge la kitaifa lilipiga kura ya kumshtaki Yoon mnamo Desemba 14, na kwa sasa mahakama ya katiba imeanzisha taratibu husika ili kutoa uamuzi wa mwisho kuhusu iwapo kura ya bunge ni ya kikatiba au la. Choi Sang Mok sasa anakaimu urais tangu Ijumaa iliyopita baada ya wabunge kupiga kura ya kumuondoa Han Duck Soo aliyekuwa anakaimu nafasi hiyo baada ya Yoon kuondolewa kwenye kiti cha urais.