1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
JamiiCuba

Mamilioni ya watu hawana umeme Cuba

Mohammed Khelef
5 Desemba 2024

Cuba imetangaza kwamba ina uwezo wa kusambaza sehemu ndogo kabisa ya umeme kwa raia, masaa machache baada ya gridi kuu kuzimika na kuwakosesha huduma hiyo mamilioni ya watu.

https://p.dw.com/p/4nlIz
Cuba, umeme
Ukosefu wa umeme nchini Cuba umegeuka kuwa wa kutisha.Picha: Norlys Perez/REUTERS

Shirika kuu la kusambaza umeme la nchi hiyo limesema kwamba linaweza kusambaza megawati 533 tu za umeme kati ya megawati zaidi ya 3,000 zinazohitajika.

Mapema serikali ya nchi hiyo ilisema ingelitoa kipaumbele kwa mahospitali na vituo vya kusambaza maji. Skuli na huduma zisizo za lazima za serikali zimefungwa hadi hapo baadaye.

Soma zaidi: Mamilioni ya Wacuba gizani baada ya umeme kukatika nchi nzima

Mji mkuu, Havana, unaendelea kusalia kwenye giza, ingawa kampuni ya umeme kwenye mji huo imesema zaidi ya wateja 260,000 wamerejeshewa huduma hiyo.

Utoaji umeme katika taifa hilo la Karibiani unakaribia kushindwa kabisa, kutokana na uhaba wa mafuta, majanga ya kimaumbile na mzozo wa kiuchumi.