Umoja wa Ulaya kufanya mazungumzo na nchi za Balkan

Nchi sita za Balkan Magharibi – Albania, Bosnia-Herzegovina, Kosovo, Montenegro, Macedonia Kaskazini na Serbia – zote zimeonyesha nia ya kujiunga na Umoja wa Ulaya na zimekuwa zikisubiri kwa muda mrefu kufanya hivyo.

Hata hivyo Umoja wa Ulaya haujaonyesha nia ya kuharakisha mchakato wa kuziruhusu nchi hizo kujiunga na Umoja huo japo mageuzi yanayohitajika kuelekea huko yameanza kushika kasi katika baadhi ya nchi hizo za Balkan Magharibi.

Umoja wa Ulaya unapania kutumia uhusiano mzuri kati yao na nchi za Balkan Magharibi kujaribu kukabiliana na ushawishi wa China na Urusi katika eneo hilo la Balkan.