1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
MigogoroTunisia

Wahamiaji 27 wapoteza maisha katika bahari ya Mediterenia

Amina Abubakar
2 Januari 2025

Walinzi wa Pwani ya Tunisia wameiopoa miili ya wahamiaji 27 kutoka Afrika baada ya boti mbili walizokuwa wanajaribu kuvuuka nazo katika bahari ya Mediterenia kuzama.

https://p.dw.com/p/4olH9
Mittelmeer Seenotrettung | Ocean Viking
Wahamiaji wakiokolewa katika bahari ya MeditereniaPicha: Jeremias Gonzalez/AP Photo/picture alliance

Boti hizo zilizama katika bahari hiyo nje kidogo ya mji wa Sfax eneo linalotumika na wahamiaji hao kuondoka kuelekea katika mataifa ya Ulaya. Walinzi hao wamesema wamefanikiwa kuwaokoa watu 87 waliokuwa katika boti hizo.

Soma pia: Wahamiaji wengi waliangamia baharini wakienda Uhispania 2024 

Mwezi uliopita walinzi wa pwani ya Tunisia waliiopoa pia miili ya wahamiaji wengine 30 katika matukio mawili tofauti  baada ya boti zao kuzama wakati walipokuwa wanaelekea Ulaya.

Tunisia inakabiliana na mgogoro wa wakimbizi na imechukua nafasi ya Libya kama eneo linalotumika sana na wahamiaji kutoka Tunisia na maeneo mengine ya Afrika wanaotafuta maisha mazuri Ulaya.