1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Migogoro

Zelensky: Wanajeshi wengi wa K.Kaskazini wanapambana Kursk

15 Desemba 2024

Rais wa Ukraine Volodymyr Zelensky amesema jeshi la Urusi hivi sasa linapeleka idadi kubwa ya wanajeshi wa Korea Kaskazini kupambana kwenye mkoa wa Kursk, karibu na mpaka wa Ukraine.

https://p.dw.com/p/4oAC5
Vita vya Ukraine
Mashmbulizi katika eneo la Kursk yanazidi kushika kasi, wakati Ukraine ikiikosoa Urusi kwa hatua yake ya kupeleka wanajeshi wa Korea kaskaziniPicha: Russisches Verteidigungsministerium/AP/picture alliance

Rais Zelensky amesema hayo jana usiku katika ujumbe wa video, na kuongeza kuwa uharibifu ni mkubwa, ingawa hakueleza zaidi.

Zelensky amemshutumu Rais Vladimir Putin kwa kuchochea vita kwa makusudi dhidi ya Ukraine na kupuuza miito kutoka China na Brazil ya kufanya kila linalowezekana kupunguza mzozo.

Kiongozi huyo aidha, ametangaza nia yake kushirkiana na Syria, akisema kuna umuhimu mkubwa kwa nchi hiyo kurejea kwenye utulivu kwa haraka, ili ulimwengu ujikite katika kurejesha amani nchini Ukraine.