لاہور کی سبزی منڈی

اسرار کا کہنا ہے کہ سبزی منڈی میں مردوں کے ساتھ ساتھ خواتین بھی کام کر رہی ہیں۔

اکثر خواتین پیاز کو صاف کرنے کا کام کرتی ہیں۔ وہ ہری مرچوں کو بھی عام گاہکوں اور ہول سیل گاہکوں کے لیے علیحدہ علیحدہ کرتی ہیں۔

لاہور کی سبزی منڈی کا آغاز صبح نماز فجر کے وقت سے ہو جاتا ہے۔

مختلف دکانوں میں مرد، بزرگ اور چھوٹے بچے بھی کام کرتے نظر آتے ہیں۔

کیلے کی خرید و فروخت دیکھنے میں بہت دلچسپ لگتی ہے۔ اکثر دکاندار اپنے سروں پر کیلے کی مختلف اقسام اٹھائے ہوئے ہوتے ہیں۔

اسرار کے مشاہدے کے مطابق سبزی منڈی میں صفائی ستھرائی کا مناسب انتظام نہیں ہے۔ اس کے علاوہ منڈی میں گاڑیوں کی پارکنگ کی جگہ کی بھی کمی ہے۔

اسرار کہتے ہیں کہ انہیں سبزی منڈی کی سب سے اچھی بات یہاں کے خوش گوار موڈ والے دکاندار ہیں۔ وہ اپنی خوش مزاجی سے گاہکوں کو اپنا مال خریدنے کی طرف راغب کر لیتے ہیں۔