کیون میکارتھی کو بالآخر اسپیکر منتخب کر لیا گیا

ری پبلکن رہنما کیون میکارتھی جمعہ کو ہونے والی تاریخی 14ویں کوشش میں بھی اسپیکر منتخب ہونے میں ناکام رہے تھے۔ جس کی وجہ ری پبلکن پارٹی کے اندر ہی انتہائی دائیں بازو کا ایک گروپ تھا جس نے اس وقت تک میکارتھی کے حق میں ووٹ دینے سے انکار کر دیا تھا جب تک وہ اس گروپ کے تمام مطالبات تسلیم نہیں کر لیتے۔

میکارتھی 12ویں اور 13ویں بار ہونے والی ووٹنگ میں ری پبلکن پارٹی کے زیادہ تر ارکان کو اپنے حق میں ووٹ دینے پر راضی کر چکے تھے مگر چونکہ پارلیمان میں ری پبلکن پارٹی کو معمولی سی ہی برتری حاصل ہے اسی باعث ری پبلکن پارٹی کے چند ارکان چار روز تک میکارتھی کے اسپیکر بننے کے خواب کی تعبیر کی راہ میں رکاوٹ بنے رہے۔

تاہم آج ہفتہ سات جنوری کو علی الصبح ہونے والی 15 بار ووٹنگ میں بالآخر انہیں امریکی پارلیمان کے ایوان نمائندگان کا اسپیکر منتخب کر لیا گیا۔

ا ب ا/ک م (روئٹرز، اے پی)