دنیا کے سب سے مہنگے جنگی ہوائی جہاز کا ملبہ مل گیا

امریکی فوج نے بتایا ہے کہ اسے ریاست جنوبی کیرولائنا کے ساحل سے لاپتہ ہونے والے اسٹیلتھ جنگی طیارے کا ملبہ مل گیا ہے۔

کیا جرمنی امریکی ساخت کے ایف 35 جنگی طیارے خرید رہا ہے؟

فوجی حکام نے سوشل میڈیا پلیٹ فارم ایکس (ٹوئٹر) پر اپنے ایک بیان میں کہا، ’’کمیونٹی کے ارکان کو اس علاقے سے گریز کرنا چاہیے کیونکہ امدادی ٹیم طیارے کے ملبے والے علاقے کو محفوظ بنانے میں مصروف ہے۔‘‘

امریکا اپنی غلطی درست کرے، ترکی کا انتباہ

اس بیان کے مطابق جوائنٹ بیس چارلسٹن نے مقامی حکام کے ساتھ قریبی ہم آہنگی سے کام کرتے ہوئے ولیمزبرگ کاؤنٹی کے ایک میدان میں اس طیارے کے ملبے کا پتہ چلا لیا ہے۔

716 ارب ڈالر کا ریکارڈ دفاعی بجٹ، ٹرمپ نے دستخط کر دیے

ایف پینتیس بی لاپتہ کیسے ہوا؟

اتوار کی سہ پہر ایک نامعلوم تکنیکی خرابی کے بعد اس طیارے کے پائلٹ نے خود کو اس ہوائی جہاز سے ایجیکٹ کر لیا تھا اور یوں امریکی فوج نے 80 ملین ڈالر مالیت کے اپنے اس اسٹیلتھ طیارے سے اپنا رابطہ کھو دیا تھا۔

حکام نے بعد میں لاپتہ طیارے کی تلاش میں مدد کے لیے عوام سے بھی رجوع کیا تھا اور کہا تھا کہ وہ اس کی تلاش میں مدد کریں۔

ایف سولہ شامی میزائل سے تباہ ہوا، اسرائیلی اہلکار

ایسے ایف 35 جنگی طیارے امریکی دفاعی کنٹریکٹر لاک ہیڈ مارٹن بناتی ہے اور اس طرز کے جنگی ہوائی جہازوں کو دنیا کے جدید ترین فوجی طیاروں میں شمار کیا جاتا ہے۔

کہا جاتا ہے کہ ایف 35 دنیا بھر میں اپنی نوعیت کا ہتھیاروں کا سب سے بڑا اور مہنگا پروگرام ہے۔

ص ز / م م  (اے ایف پی، ڈی پی اے)