چین :سرکاری ٹی وی کی قریبی عمارت میں آتش زدگی

یہ آگ چین کے سرکاری ٹی وی، سینٹرل ٹیلی ویژن ٹاورز کے قریب ایک چوالیس منزلہ زیر تعمیر ہوٹل کی عمارت میں لگی۔ پیرکی شام کو لگنے والی اس آگ پر رات گئے قابو پایا جا سکا۔

عینی شاہدین کا کہنا ہے کہ آگ کے شعلے 20 سے 30 فٹ تک بلند تھے اور بہت دور سے بھی دیکھے جا سکتے تھے۔ عمارت سے اٹھتے بلند و بالا آگ کے شعلوں کو دیکھنے سینکڑون لوگ عمارت کے نیچے جمع ہوگئے۔ اس موقع پر پولیس اور انتظامیہ نے خطرے کے سائرن بجا کر انہیں آتشزدگی کی شکار اس عمارت سے دور چلے جانے کو کہا۔

آگ پر قابو پانے کے لئے درجنوں فائر فائٹر گاڑیوں اور عملے کی مدد حاصل کی گئی۔