کاپاڈوکیا (کاپاڈوشیا): پریوں کے دیس کا سفر

وسطی اناطولیہ کے تاریخی مقام کاپاڈوکیا (کاپاڈوشیا) میں انسانی سرگرمیاں تین ہزار قبل از مسیح شروع ہوئی تھیں۔ یہ ترکی کے مشہور سیاحتی مقامات میں سے ایک ہے۔ اس کو سن 1985 میں یونیسکو نے عالمی ورثے میں شامل کیا تھا۔ اُوچیسار قلعے کا بیشتر تعمیراتی ڈھانچہ زیر زمین رہائش گاہوں اور راہ داریوں پر مشتمل ہے۔ یہ اس علاقے کا بلند ترین مقام بھی ہے۔

یہ نوشہر میں قالین اور سووینیئر فروخت کرنے کی ایک دوکان ہے۔ قالین میں انتہائی باریک تفصیلات قابلِ تعریف ہیں۔ یہ تفصیلات دیکھنے والے کو کسی اور دور میں لے جاتی ہیں۔

کاپاڈوکیا (کاپاڈوشیا) کے نیشنل پارک کے وسط میں ایک چھوٹا سا قصبہ گورمے ہے۔ اس میں غاروں کے اندر کئی پرسکون رہائشی گاہیں واقع ہیں۔ یہاں گرم ہوا والے غبارے (ہاٹ ائیر بیلون) کی پرواز میں سوار ہو کر زمینی منظر دیکھا جا سکتا ہے۔

ہاٹ ایئر بیلون کی کاپاڈوکیا (کاپاڈوشیا) پر پرواز حقیقت میں جادوئی تجربہ خیال کیا جاتا ہے۔ طلوع آفتاب سے قبل پرواز کرنے والے ان ہاٹ ایئر بیلونز سے سورج کے طلوع ہونے کا منظر اور بلند ستونوں اور چمنیوں کا نظارہ غیر معمولی ہوتا ہے۔ ہاٹ ایئر بیلون کی ایک پرواز ڈیڑھ گھنٹے دورانیے کی ہوتی ہے۔

کاپاڈوکیا (کاپاڈوشیا) کے سبھی منظر انسٹاگرام، سنیپ شاٹ اور ویڈیوز کے لیے آئیڈیل سمجھے جاتے ہیں۔ یہ تصاویر اونٹ پر بیٹھ کر بنائیں یا کسی کرین میں سوار ہو کر کھینچی جائیں۔

کاپاڈوکیا (کاپاڈوشیا) کے نیشنل پارک کے اس حیران کن لینڈ اسکیپ کو محبت کی وادی کہا جاتا ہے۔ اس کی وجہ ہزاروں سالوں سے چلنے والی تیز ہوا کی رگڑ اور شدید موسمی شدت کی وجہ سے چٹانوں نے مردانہ عضو جیسے شکل اختیار کر لی۔

اس علاقے میں وسیع پیمانے پر مسام دار چٹانوں کی بہتات ہے۔ یہ قدرے نرم ہوتی ہیں۔ کسی عام آلے سے بھی کھدائی ممکن ہے۔ مسام دار چٹانوں میں سارے شہر کی کھدائی ممکن ہے۔ ظلم و جبر کے شکار مسیحی افراد نے تیسری صدی میں اس ویران جگہ کو مسکن بنایا تھا۔ بعد ازاں اس پہاڑی منظر نامے میں گھروں، گرجا گھروں اور وسیع خانقاہوں کی تعمیر کی گئی۔

زیر زمین غاروں کا نظام خوبصورت لینڈ اسکیپ میں بکھرا ہوا ہے لیکن اس کا نظارہ اوپر سے نہیں کیا جا سکتا۔ اس کے لیے زیرِ زمین جانا اہم ہے۔ ان غاروں میں زمین دوز تعمیراتی فن یقینی طور پر منفرد ہے۔

وسطی اناطولیہ کے اس حیران کن علاقے کی سیاحت ہاٹ ایئر بیلون، سائیکل، گھوڑے یا اونٹ پر سوار ہو کر کی جا سکتی ہے۔ چھوٹی جسامت والی چار وہیل والی سواری سے بھی اس علاقے کی تنگ گلیوں یا چھوٹے دیہاتوں میں جانا ممکن ہے۔ کار میں نیشنل پارک کی سیاحت بھی کی جا سکتی ہے