Angola za ta fice daga OPEC saboda rashin jituwa

 Angola ta ce yazuwa yanzu ba ta da wani tasiri a kan kason,da aka ware ma ta, tana mai cewa lokaci ya yi da za ta kara yawan man da take hakowa domin cimma manufofinta. Ministan albarkatun kasa, na man fetur da iskan gas na Angolar Diamantino  Azevedo ya ce idan suka ci gaba da zama a cikin kungiyar ta OPEC, za su fuskanci koma baya. OPEC ta kafa kason ganga miliyan daya da dubu11 ga Angola a kowace rana, yayin da Angolar ke son haura wannan kaso da ganga miliyan daya  da dubu 18.