1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Arangamar 'yan sanda da 'yan Shi'a a Sokoto

Abdoulaye Mamane Amadou
December 27, 2019

Wata arangama ta barke a wannan Jumma tsakanin mabiya kungiyar IMN ta 'yan uwa Musulmi da jami'an tsaro a jihar Sokoto da ke Arewa maso yammacin tarayyar Najeriya.

https://p.dw.com/p/3VPCn
Nigeria Anhänger von Schiiten-Führer Ibrahim Zakzaky
Hoto: AFP/S. Adelakun

Rikicin ya barke ne bayan kammala sallar Jumma'a inda 'yan Shi'ar suka fito yin tattaki domin nuna rashin jin dadinsu kan ci gaba da tsare jagoransu Malam Ibrahim El-zakzaky da mai dakinsa, inda suka bayyana cewa an kai masu hari da bindiga.

Magoya bayan kungiyar IMN dai sun zargi jami'an 'yan sanda da watsa masu barkonon tsohuwa kana daga bisani suka bude masu wuta da harsasai na gaskiya,  Sai dai a hirarsu da wakilinmu na jihar ta Sokoto Ma'awuya Abubakar Sadik kakakin rundunar 'yan sandan jiha ASP Muhammad Sadiq Abubakar ya musanta labarin bude wutar.