1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
WasanniJamus

'Dan wasan Najeriya da Leverkusen ya tsallake rijiya da baya

Abdulkarim Muhammad Abdulkarim
October 20, 2024

Motarsa ta yi raga-raga, kamar yadda 'dan wasan ya wallafa hotonta a shafukan sada zumunta, kafin daga bisani ya goge.

https://p.dw.com/p/4m0G0
Victor Boniface na Najeriya da Bayer Leverkusen
Hoto: Frank Hoermann/SVEN SIMON/picture alliance

'Dan wasan Super Eagles ta Najeriya da Bayer Leverkusen a nan Jamus Victor Boniface ya tsallake rijiya da baya, bayan gamuwa da wani mummunan hadarin mota a kan hanyarsa ta zuwa filin jirgin sama na Frankfurt.

Karin bayani:Bayer Leverkusen ta kafa tarihi a kakar wasan Bundesliga

Sanarwar da kungiyarsa ta fitar a Lahadin nan ta ce Boniface ya je filin jirgin ne don dauko wani abokinsa, inda ya samu rauni kadan, amma motarsa ta yi raga-raga, kamar yadda 'dan wasan da kansa ya wallafa hotonta a shafukan sada zumunta, kafin daga bisani ya goge.

Karin bayani:Boniface ba zai buga wa Najeriya wasa a AFCON ba

A ranar Asabar Leverkusen ta doke Eintracht Frankfurt da ci 2-1, inda Boniface ya zura kwallo ta biyun da ta ba ta nasara, sannan ya barar da bugun daga kai sai mai tsaron raga.

Kuma a bara ne kungiyar ta lashe gasar Bundesliga ta nan Jamus a karon farko a tarihinta.