1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaGabas ta Tsakiya

Isra'ila na gargadin 'yan Lebanon

Lateefa Mustapha Ja'afar
December 15, 2023

A karon farko tun bayan barkewar rikici tsakanin Isra'ila da mayakan Hamas, jiragen yakin Isra'ila sun jefa takardun gargadi ga fararen hula a yankin Kudancin Lebanon.

https://p.dw.com/p/4aEa9
Isra'ila | Kan Iyaka | Lebanon | Rikici | Hamas | Zirin Gaza | Falasdinu
An jibge tankokin yaki da kuma makaman Isra'ila a kan iyakarta da LebanonHoto: Lisi Niesner/REUTERS

Takardun dai na gargadin fararen hular da kada su bayar da kariya ga mayakan kungiyar Hezbollah, suna mai bayyana su a matsayin gagarumar barazana da ka iya cutar da su. Jami'an tsaron Lebanon din dai sun bayyana cewa, an jefa takardun a wurare da dama da ke kan iyakar kasar da Isra'ila. Tun bayn da kungiyar Hamas da ke gwagwarmaya da makamai a yankin Zirin Gaza na Falasdinu ta kai harin ba-zata a Isra'ila a ranar bakwai ga watan Oktobar wannan shekara da muke ciki ne dai, ake samun musayar wuta tsakanin mayaka masu dauke da makamai kamar Hezbollah a bangaren kan iyakar Isra'ila da Lebanon din a hannu guda kuma da sojojin Isra'ilan a kan iyakokinsu.