1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Jamus: Sabuwar doka kan bakin haure

Mohamed Tidjani Hassane
June 23, 2023

Majalisar dokokin Jamus ta Bundestag ta amince da sabuwar doka kan bakin haure, tare da yin koyi ga kasar Kanada kan matakan da ta dauka na dakile karancin ma'aikata.

https://p.dw.com/p/4T0J1
Majalisar dokokin Jamus ta Bundestag
Majalisar dokokin Jamus ta BundestagHoto: Bernd von Jutrczenka/dpa/picture alliance

A karkashin sabuwar dokar Jamus ta sassauta matakai na neman aiki da kuma samun takardar izini kawo iyali a kasar daga waje. Sai dai wasu daga cikin sharudan da dokar ta tanada sun hadar da koyon harshen Jamusanci, da lakantar fannin aiki da kuma batun shekaru.

Da yake tsokaci kan sabuwar dokar jim kadan bayan amincewa da ita, ministan tattalin arzikin Jamus Robert Habeck, ya ce karancin ma'aikata a Jamus na daga cikin manyan matsaloli da kasar mafi karfin tattalin arziki a nahiyar Turai ke fuskanta. Daga bisani ministan ya bayyana dokar a matsayin mafita ga koma bayan da kamfanonin Jamus ke samu sakamakon karancin ma'aikata.

To sai dai yayin kuri'ar amincewa da dokar, jam'iyyun CDU da CSU da AFD sun nuna adawar karara suna masu cewa ma'aikatan na iya amfani da wannan dama domin kawo duk danginsu kasar Jamus. Ita kuwa jam'iyyar adawa ta Die Linke kauracewa zaben ta yi.