Libiya: Bincike a kan ambaliyar ruwa

Da ma a Litinin din da ta gabata babban mai shigar da karar na Libiya Al-Seddik al-Sour da ke zaman mai shigar da kara na bangaren gwamnatin da al'ummomin kasa da kasa suka amince da ita a kasar, ya bayar da umurnin kama jami'an gwamnati takwas ciki har da magajin garin Derna da ambaliyar Ruwan ta yi wa barna wanda kuma aka sallame shi daga aiki bayan afkuwar ibtila'in. A ranar 10 ga wannan wata na Satumba da muke ciki ne dai aka samu mahaukaciyar guguwa da aka yi wa lakabi da Storm Daniel a yankin gabashin Libiya, inda ta haddasa ambaliyar ruwan da ta halaka mutane dubu uku da 893 yayin da wasu dubbai suka yi batan dabo.