Koriya ta Arewa ta harba wani makami mai linzami

 Wadannan hare-hare guda biyu a jere sun zo ne 'yan kwanaki bayan gargadi daga Seoul da Washington wadanda suka gargadi Koriyar ta Arewan cewa duk wani harin nukiliya kan Amurka ko kawayenta zai kawo karshen mulkin Kim Jong Un, shugaban Koriya ta Arewan. Rundunar sojin Koriya ta Kudu ta sanar da cewa, ta gano harbin makami mai linzami mai cin dogon zango da aka harba daga yankin Pyongyang, inda ta yi kiyasin cewa ya yi tafiyar kilomita dubu kafin ya fada tekun Japan.