1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaTaiwan

Guguwar Koinu ta kada a karo na biyu a Taiwan

Mohamed Tidjani Hassane ZMA
October 5, 2023

Hukumomin Taiwan sun sanar da sake kadawar guguwar Koinu a kudancin tsibirin, inda ta zo tare da mamakon ruwan sama kamar da bakin kwarya tare da iska mai karfin mai gudun kilomita 340 a cikin sa'a guda.

https://p.dw.com/p/4X8a5
Taiwan | Taifun Koinu
Mahaukaciyar guguwar Koinu ta sake kadawa a tsibirin Taiwan.Hoto: Carlos Garcia Rawlins/REUTERS

Hukumar kula da yanayi ta kasar Taiwan ta ce a daren Laraba (04.10.2023) iska mai karfin da ya kai mita 95.2 a cikin dakika guda ta ringa kadawa a wasu yankunan tsibirin, abin da ke zama irin sa na farko da ba a taba gani a duniya ba. 

Karin bayani: Guguwar Haikui na barazana a Taiwan

Wannan ne dai karo na biyu a tsukin wata guda da guguwar ke afka wa tsibirin, kuma a wannan karo lamarin ya haddasa soke tashi da saukar jiragen sama akalla 200 na ciki da na wajen kasar tare kuma da canja wa mutane sama da 3.000 matsugunai.

Karin bayani: Mahaukaciyar guguwa ta kashe mutane a Taiwan

A cewar hukumar sa ido kan yanayi ta Hong Kong, bayan tsibirin Taiwan, ana sa ran guguwar ta Koinu za ta nufi gabar Tekun Gabashin lardin Guangdong na kasar Chaina wanda ya hada da birnin Guangzhou.

 

 

Mahaukaciyar guguwar Koinu ta sake kadawa a tsibirin Taiwan.