1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaChadi

Mayakan Boko Haram sun kashe sojojin Chadi

Abdoulaye Mamane Amadou Abdourahmane Hassane
November 11, 2024

A daidai lokacin da rundunar sojan kasar Chadi ta kaddamar da shirinta na kakkabe mayakan Boko Haram da suka yi tunga a Tafkin Chadi, kungiyar ta kashe sojojin Chadi tare da jikkata wasu da dama.

https://p.dw.com/p/4mrNO
Wasu sojojin Chadi a lokacin da suke fagen daga
Wasu sojojin Chadi a lokacin da suke fagen dagaHoto: Steven Lewis/Zuma/picture alliance

Ma'aikatar tsaron kasar Chadi ta sanar da cewa sojojin Chadi 15 ne suka mutu a yayin da wasu fiye da suka jikkata ke samun kulawar gaggawa a wani asibitin birnin N'Djamena, biyo bayan wata aranagamar da dakarun kasar suka yi da mayakan Boko Haram a yankin Tafkin Chadi.

Karin Bayani : Sojojin Chadi sun kashe 'yan Boko Haram da dama

Ma'aikatar tsaron kasar ta ce sojojinta sun yi nasarar kashe daruruwan mayakan Boko Haram da ta kaiwa takakka a tunga da mabuyar mayakan kungiyar a sansanonisu na Tafkin Chadi.

Karin Bayani : Kulla alakar tsaro tsakanin Chadi da Nijar

A karshen watan Oktoba gwamnatin kasar Chadi ta kaddamar da shirinta na Operation "Haskanite" wato Karagiya, da ke da nufin kakkabe mayakan Boko Haram da suka kai wa wani sansanin sojanta hari tare kisan fiye da soji 40.