Najeriya: Karin albashi ya bar baya da kura
April 25, 2023
Murna da farin ciki sun cika zukatan mafi yawan ma'aikatan gwamnatin tarayya inda gwamnatin ta fara biyansu karin alawus na kashi 40 cikin 100 da ta yi alkawari. Ma'aikatan sun bayyana cewa kudin sun shiga asusu lakadan ba ajalan ba.
Dama dai kungiyar kwadagon Najeriyar ce ta matsa a kan karin albashin wanda ta yi ta kai ruwa rana da gwamnati. Kasancewa wannan karin bai shafi Malaman jami'oin gwamnatin Najeriyar ba da likitroci ya sanya mamaki a daukacin tsarin da ake tafiya tare a cewar Comrade Nasiru Kabir sakataren tsare-tsaren kungiyar kwadagon Najeriyar.
Tsame wadannan bagarori gida biyu da suke muhimmai a karin albashin babban al'amari ne a yadda ake tafiya yanzu a kan harkar albashi a Najeriyar, saboda a lokutan baya sun sha yajin aiki tare a kan kyautata masu yanayin aiki.
Gwamnatin dai ta yi gum a kan dalilanta na cire malaman jamio'I da likitoci a kan wannan kari. Tuni shugaban kungiyar malaman jamioin Najeriyar Farfesa Emmanuel Osodeke ya yi gargadin illar da wannan zai iya haifarawa.