Kaduna: Takaddama a tsakanin gwamnati da ma'aikata

A Jihar Kaduna da ke Arewacin Najeriya, matakin Kungiyar Kwadago ta (NLC) sun kawo karshen yajin aiki na gargadi a sakamakon korar wasu ma'aikatan da gwamnan jihar Nasir el-Rufai ya yi tare da zabtare musu kudaden albashi, ya soma daukar hankula inda gwamnatin tarayyar Najeriya ta soma nazari kan batun da ya gurgunta duk kai-kawo a jihar Kaduna.

Gwamnan jihar Nasir el-Rufai dai, ya dage kan korar da ya yi wa ma'aikatan amma kuma 'yan kwadagon sun ce dole ne ya ci tuwon fashi. An kwashi fiye da kwanaki uku kafin aka kawo karshen yajin aikin, rahotanni sun ruwaito yadda yajin aikin ya gurgunta al'amura har dama jefa jihar cikin duhu a sakamakon dagewar da gwamnan yayi kan matsayinsa.