1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaTurai

Rasha ta yi ikirarin kwace wani kauye na gabashin Ukraine

Mouhamadou Awal Balarabe
October 30, 2024

Kauyen Krugliakivka da ke da tazarar kilomita 20 kudu da Kupiansk, na daga cikin wuraren da Moscow ta mamaye a tsakanin watan Fabrairu da Satumban 2022, kafin Ukraine ta 'yantar da shi bayan wani harin ba-zata.

https://p.dw.com/p/4mOfx
Yankin Kharkiv na Ukraine na daga cikin wuraren da sojojin Rasha suka fi luguden wuta
Yankin Kharkiv na Ukraine na daga cikin wuraren da sojojin Rasha suka fi luguden wuta Hoto: Vyacheslav Madiyevskyy/Ukrinform/picture alliance/abaca

Sojojin Rasha sun yi ikirarin kwace wani gari mai suna Krugliakivka mai mazauna 1200 da ke yankin Kharkiv na gabashin Ukraine. Wannan kauyen da ke da tazarar kilomita 20 kudu da Kupiansk, yana daga cikin wuraren da Moscow  ta mamaye a tsakanin watan Fabrairu da Satumban 2022, kafin Ukraine ta 'yantar da shi bayan wani harin ba-zata.

 Karin bayani:  Ya Koriya ta Arewa za ta sauya yakin Ukraine?

Tuni dai, hukumomin Ukraine sun sanar da daura wa wasu karin mutane 160,000 damarar yaki, don ja wa Rasha birki. Sai dai sojojin Rasha na ci gaba da samun nasara a kan sojojin Ukraine sakamakon karancin dakaru da kuma jinkirin da kasashen yammacin duniya ke yi wajen samar musu da tallafin makamai. Cibiyar nazarin yaki ta Amurka (ISW) ta bayyana cewar dakarun Rasha sun samu gagarumar nasara a cikin wata guda tun bayan da suka sauya dabarun sojojin Ukraine.