Takaddamar zabe ta kai kotun koli

Manyan 'yan takara guda biyu na neman shugabancin Najeriya a zaben da ya gabata sun kalubalanci sahihancin sakamakon zaben da aka yi wa Shugaba Bola Tinubu a gaban kotun kolin kasar da ke birnin Abuja fadar gwamnatin.

'Yan takaran biyu Atiku Abubakar na jam'iyyar PDP da ya zo na biyu a zaben da Peter Obi na jam'iyyar Labour, kowanne ya shigar da kara, bayan tun farko kotun sauraron kararrakin zabe ta tabbatar da sahihancin zaben na watan Febrairu.

Tun lokacin da Najeriya ta koma tafarkin dimukaraddiya a shekarar 1999 kimanin shekaru 24 da suka gabata babu wanda ya yi nasarar ganin soke sakamakon zaben shugaban kasa, a kasar mafi yawan mutane tsakanin kasashen nahiyar Afirka.