Bukukuwan Kirsimeti na 2022

A duk shekara mabiya addinin Kirista a fadin duniya, kan gudanar da shagulgulan bikin na Kirsimeti domin tunawa da ranar da suka hakikance a ita aka haifi Annabi Isa (A.S). Yayin wannan biki, su kan gudanar da addu'o'i da ziyarar 'yan uwa da abokan arziki har ma da raba kyaututtuka domin karfafa zumunci.

Duk da cewa a kan koka da tsadar rayuwa a irin wadannan lokuta na gudanar da bukukuwa, hakan baya hana mabiya addinin Kirista din yin bikin tunawa da Yesu Al-masihun. A wasu yankunan na kasashen Afirka kamar Najeriya, al'ummar Musulmi kan taya 'yan uwansu Kiristoci murna ta hanyar ziyartar su da ma kai musu tallafi da kyaututtuka.