1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaAfghanistan

Taliban ta haramta wa jami'in MDD shiga Afghanistan

Fauziyya Dauda
August 22, 2024

Gwamnatin Taliban a Afghanistan, ta haramta wa babban mai bincike kan hakkin dan Adam na Majalisar Dinkin Duniya a Afghanistan, Richard Bennett daga shiga cikin kasar.

https://p.dw.com/p/4jlSs
Babban mai bincike na mussaman kan hakkin dan Adam na Majalisar Dinkin Duniya a Afghanistan, Richard Bennett
Babban mai bincike na mussaman kan hakkin dan Adam na Majalisar Dinkin Duniya a Afghanistan, Richard Bennett Hoto: Ebrahim Noroozi/AP Photo/picture alliance

Kakakin gwamnatin Taliban, Zabihullah Mujahida ya zargi Bennett da yada wasu manufofi da ba su gane musu ba a cikin Afghanistan. A cikin sanarwar da ya fitar, Bennett ya bukaci gwamnatin Taliban ta janye matakin nata, kana ya ce zai ci gaba da gudanar da aikinsa daga wajen kasar. A baya-bayan nan ne dai, Bennett ya ce yadda Taliban ke tafiyar da rayuwar mata da 'yan mata a kasar laifi ne na cin zarafin bil Adama.

Tun dai a shekarar 2022, Majalisar Dinkin Duniya ta nada Benett a matsayin babban mai binciken, shekara guda bayan da Taliban ta sake kwace ragamar mulkin kasar.