1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaArmeniya

Zanga-zangar 'yan Armeniya mazauna Turai

October 1, 2023

Dubban 'yan Armeniya a kasashen Turai sun gudanar da zanga zanga a Brussels inda suka zargi EU da taimaka wa Azerbaijan a farmakin da ta kai yankin Nagorno-Karabakh.

https://p.dw.com/p/4X1e6
'Yan Armeniya da ke Turai na zargin EU da taimaka wa AzerbaijanHoto: Asatur Yesayants/SNA/IMAGO

Masu aiko da rahotanni sun ce adadin masu zanga-zangar ya kai mutum dubu 10 wadanda ke dauke da alluna da kuma tutocin Armeniya suna rera kalaman Allah wadai da mahukutan Turai kan rashin daukar mataki kan Azerbaijan bayan aikata abin da suka kira cin zarafin Armeniyawan Nagorno-Karabakh.

Karin bayani: Nagorno-Karabakh: Al'umma na neman agaji

Wasu majiyoyi sun ce tsohon ministan harkokin wajen Faransa Bernard Kouchner shi ma ya halarci zanga-zangar ta Brussels domin karfafa gwiwa ga 'yan Armeniya a cikin wannan yanayi. Kamfalin dillancin labaran Faransa AFP ya ruwaito tsohon ministan na cewa dole ne kungiyar tarayyar Turai ta shiga tsakanin a rikicin tare da sa ido kan iyakokin Armeniya saboda abin da ka iya zuwa nan gaba.