Sojoji da dama sun hallaka a Najeriya

Kamfanin dillancin labaran Faransa AFP ya ruwaito wani hafsan sojan Najeriya na cewa har yanzu da akwai wasu sojojin da dama wadanda harin ya rutsa da su da ba a ji duriyarsu ba baya ga wadanda aka hakikance sun hallaka. Wani dan kato da gora ya shedawa manema labarai cewa har zuwa yammacin ranar Lahadi an ci gaba da neman sauran sojan da suka bata, inda ya nuna fargabar ko adadin sojojin da suka gamu da ajalinsu ka iya karuwa.