Mgombea wa ukansela Ujerumani amkemea bilionea Musk

Mwanasiasa wa kihafidhina anayetaka kuwa kansela ajaye wa Ujerumani, Friedrich Merz, amemkemea bilionea wa sekta ya teknolojia nchini Marekani Elon Musk kwa kukiunga mkono chama cha siasa kali za mrengo wa kulia cha Mbadala kwa Ujerumani - AfD katika uchaguzi ujao.

Merz ambaye ni mkuu wa chama cha Christian Democratic Union - CDU amesema hawezi kukumbuka, katika historia ya mataifa ya Magharibi, kwamba kumekuweko na kisa cha kufafanishwa cha uingiliaji katika kampeni ya uchaguzi ya nchi rafiki. Merz ameutaja wito wa Musk wa kuunga mkono AfD katika uchaguzi wa Februari 23 kuwa ni usumbufu na unaopindukia. Katika maoni aliyoandika kwenye gazeti la kihafidhina la Ujerumani Die Welt, Musk alikielezea chama chama cha AfD kuwa cheche ya mwisho ya matumaini kwa Ujerumani. Makala hiyo ilisababisha kujiuzulu kwa mhariri mmoja mwandamizi wa gazeti hilo.