1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaMashariki ya Kati

Mjumbe wa UN aonya dhidi ya kuanguka taasisi za Syria

Sudi Mnette
14 Desemba 2024

Mjumbe wa Umoja wa Mataifa kwa ajili ya Syria, Geir Pedersen ameyasihi mataifa yenye nguvu ya kigeni kuhakikisha yanazuia kuanguka kwa taasisi muhimu za Syria kufuatia kuondolewa kwa utawala wa Bashar al-Assad.

https://p.dw.com/p/4o9W3
UN-Sondergesandter für Syrien Geir Pedersen
Mjumbe Maalum wa Umoja wa Mataifa (UN) kwa Syria Geir O. Pedersen akihudhuria Kongamano la Doha 2024 lililofanyika tarehe 08 Desemba 2024 huko Doha, Qatar. Picha: Mehmet Serkan Şafak/Andalou/picture alliance

Pedersen ameyasema hayo leo wakati ambapo wanadiplomasia wanakutana Jordan kuujadili mzozo wa Syria. Pia ameunga mkono mchakato wa kisiasa ulio ''thabiti, wa kuaminika na unaowajumuisha wote'' katika kuunda serikali ijayo, wakati alipokutana na Waziri wa Mambo ya Nje wa Marekani,Antony Blinken. Amesema wanahitaji kuhakikisha kuwa taasisi za serikali haziporomoki, na wanapata msaada wa kiutu haraka iwezekanavyo. Amesema iwapo hilo litafanikiwa, pengine kutakuwa na fursa mpya kwa watu wa Syria. Wanadiplomasia wa ngazi ya juu wa nchi za Kiarabu, Uturuki, Umoja wa Ulaya na Marekani, wanakutana katika mji wa Jordan, Aqaba, chini ya wiki moja tangu waasi walipouondoa utawala wa Assad.