1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
MigogoroSyria

Mjumbe wa Umoja wa Mataifa ataka Syria iondolewe vikwazo

15 Desemba 2024

Mjumbe Maalumu wa Umoja wa Mataifa kwa ajili ya Syria, Geir Pedersen ametoa wito wa kuondolewa haraka vikwazo vya mataifa ya Magharibi dhidi ya taifa hilo baada ya Rais Bashar al-Assad kuondolewa madarakani.

https://p.dw.com/p/4oAQH
Geir Pedersen
Mjumbe maalumu wa Umoja wa Mataifa nchini Syria Geir Perdesen (kulia) ametoa wito wa kuondolewa vikwazo nchini Syria ii kuipata fursa ya kujijenga upyaPicha: Andrew Caballero-Reynolds/Pool via REUTERS

Pedersen, amesema wakati wa ziara yake mjini Damascus kuwa ni muhimu kuona vikwazo vikiondolewa haraka ili kuruhusu juhudi za kuijenga upya Syria.

Serikali ya Syria imekabiliwa na vikwazo vikali vya Marekani, Umoja wa Ulaya na mataifa mengine kwa miaka mingi kutokana na ukandamizaji wa Assad dhidi ya maandamano ya amani yaliyotokea mwaka 2011, ambayo yaligeuka na kuwa vita vya wenyewe kwa wenyewe.

Katika hatua nyingine, zaidi ya wahamiaji 7,600 wa Syria walivuka mpaka wa Uturuki kurejea nyumbani katika muda wa siku tano baada ya kuangushwa kwa mtawala wa Assad, hii ikiwa ni kulingana na Waziri wa mambo ya ndani wa Uturuki mapema leo.