Serikali ya Ufaransa yakabiliwa na kitisho cha kuangushwa

Hoja hiyo iliyowasilishwa bungeni na chama cha siasa kali za mrengo wa kulia cha National Rally cha Marine Le Pen hata hivyo inatarajiwa kukataliwa. Lakini Le Pen amesema washirika wake wataipa kura za kutosha kupitishwa katika mchakato huo wa leo jioni unaotarajiwa kuiangusha serikali kwa mara ya kwanza katika kipindi cha zaidi ya miaka 60. Barnier mwenyewe amesema jana kwenye mahojiano yaliyorushwa kwenye televisheni kwamba anaamini serikali yake itakivuka kihunzi hicho.