1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaMashariki ya Kati

Urusi yazidisha mashambulizi dhidi ya waasi wa Syria

Sudi Mnette
1 Desemba 2024

Urusi, mshirika wa Rais wa Syria Bashar al-Assad, imeanzisha mfululizo wa mashambulizi ya anga kwenye maeneo kadhaa ya Syria ambako hivi karibuni vikosi vya upinzani vimepata mafanikio ya udhibiti wa kimaeneo.

https://p.dw.com/p/4ncFm
Syrien Aleppo Luftangriff
Mashambulizi Makali ya Anga yalenga Jiji la Aleppo nchini Syria, Novemba 30, 2024.Picha: Rami Alsayed/NurPhoto/Imago

Shirika la Uangalizi wa Haki za Binaadamu la Syria limesema mashambulizi ya Urusi ya mapema leo yalilenga miji na vijiji vilivyotekwa na muungano wa upinzani unaoongozwa na wenye itikadi kali huko kaskazini-magharibi mkoa wa Idlib na mkoa wa kati wa Hama. Mashambulio kama hayo pia yaliripotiwa katika mji wa kaskazini wa Aleppo, huko mapema juma hili wanamgambo walifanya mashambulizi ya kushtukiza na dhidi na vikosi vya serikali ya Assad na kuvizidi nguvu. Kwa msaada wa washirika wake Urusi na Iran, al-Assad ameweza kurejesha udhibiti wa takriban theluthi mbili ya nchi kutoka kwa waasi nchini humo katika kipindi cha miaka kadhaa iliyopita.