مائیکل جارڈن کے جوتے ریکارڈ 2.2 ملین ڈالر میں نیلام
12 اپریل 2023
نیلامی کے معروف مرکز سوتھبیز کا کہنا ہے کہ نیویارک میں 11 اپریل منگل کے روز باسکٹ بال کے کھلاڑی مائیکل جارڈن کے جوتے کے ایک جوڑے کے لیے 2.2 ملین ڈالر کی بولی لگائی گئی۔ ریکارڈ کے مطابق تاریخ میں کھیل کے دوران استعمال ہونے والا جوتوں کا یہ جوڑا اب تک کی مہنگی ترین قیمت پر فروخت ہوا۔
مائیکل جارڈن کی جرسی ایک کروڑ ڈالر سے زائد میں نیلام
اس فروخت نے اس سابقہ ریکارڈ کو بھی توڑ دیا، جب سن 2021 میں 'ایئر جارڈنز' سیریز ایک جوڑا ڈیڑھ ملین ڈالر میں فروخت ہوا تھا۔
مارلن منرو کی تصویر ریکارڈ 195ملین ڈالر میں فروخت
سوتھبیز کے اسٹریٹ ویئر اور جدید اشیا کے کلیکشن کے سربراہ براہم واچر نے ایک بیان میں کہا کہ، ''آج کا ریکارڈ توڑ نتیجہ مزید یہی ثابت کرتا ہے کہ کھیلوں کی یادگار اشیا کی چاہت میں مائیکل جارڈن سب سے آگے ہیں اور ان سے وابستہ چیزیں تمام توقعات سے بڑھ کر کارکردگی کا مظاہرہ کر رہی ہیں۔''
نامعلوم شخص نے دو کروڑ ڈالر میں وارین بفیٹ کے ساتھ لنچ کا موقع حاصل کرلیا
نیلامی کے منتظمین کے مطابق مائیکل جارڈن نے کھیل کے بعد جوتوں پر اپنے آٹوگراف کے بعد انہیں بال بوائے کو دے دیا تھا۔ سوتھبیز نے بتایا کہ جوتے بیچنے والا وہ اصل شخص نہیں تھا، جسے مائیکل جارڈن نے دیے تھے۔ ادارے نے خریدار کے بارے میں بھی تفصیلات نہیں بتائیں۔
پرانی اور نایاب مرسیڈیز بینز نیلامی میں فروخت ہونے والی سب سے مہنگی کار
توقع تھی کہ نیلامی میں ان کی قیمت چار ملین ڈالر تک جا سکتی ہے، تاہم عالمی ریکارڈ قائم کرنے کے باوجود یہ توقع کی قیمت سے کافی کم پر فروخت ہوئے۔
جوتے اتنے خاص کیوں ہیں؟
ٹرینرز جوتوں کو، ان کے سیاہ اور سرخ رنگ کی وجہ سے ''بریڈ'' کہا جاتا ہے۔ باسکٹ بال کے سپر اسٹار نے انہیں سن 1998 میں این بی اے کے فائنل میں دوسرے گیم میں پہنا تھا، جو ان کا چھٹا اور چیمپئن شپ کا کا آخری میچ تھا۔
جارڈن اب 60 برس کے ہو چکے ہیں، جنہوں نے اپنے باسکٹ بال کیریئر کا بیشتر حصہ شکاگو بلز نامی ٹیم کے ساتھ کھیلتے ہوئے گزارا۔ اس ٹیم کے ساتھ ہی انہوں نے اپنے تمام چھ چیمپئن شپ ٹائٹل جیتے۔
جارڈن نے یہ جوتے سن 1998 میں یوٹاہ جاز کی ٹیم کے خلاف دوسرے ہاف میں پہنے تھے اور 88 کے مقابلے میں 93 پوائنٹ سے جیت حاصل کی تھی۔
یہ فائنل میچ ای ایس پی این اور نیٹ فلیکس جیسے چینل پر بھی 'دی لاسٹ ڈانس' کے نام سے بننے والی دستاویزی فلم کے طور پر بھی کئی بار دکھایا جا چکا ہے۔
اطلاعات کے مطابق جوتے بنانے ولی کمپنی نائیکی اب بھی باسکٹ بال کے اسٹار کھلاڑی کو اپنے ائیر جارڈن نامی جوتے کی سیریز کی فروخت کے لیے انہیں لاکھوں کی رائلٹی ادا کرتی ہے۔
ص ز/ ج ا (اے ایف پی، ڈی پی اے)