HdM: Matashiya mai hada kayan lefe

Matashiyar mai suna A'isha Muhammad Saje wacce aka fi sani da Aisha Saje tana sana'ar sayar da kayayyaki da su ka hadar da atamfa da da takalma da makamantansu, inda har ma ta samu nasarar bude shago. Sakamakon yadda matasa da ma wadanda suka manyanta ke neman a hada mu su kayan aure ko kayan lefe, ya sa matashiyar mayar da hankali wajen hada kayan gwagwaadon iko da karfin da mutum ke da shi. Wannan matashiya ta samu rufin asiri da wannan sana'ar, inda ta ce tana cire mata kitse a wuta.

Saidai kuma A'isha Saje ta ce, duk da tarin nasarorin da ta samu tana kuma gamuwa da kalubale a sana'ar tata. Masu Mu'amala da A'isha Saje suna yabawa kokarinta sosai, kamar yadda wasu daga cikinsu suka bayyana. Matashiyar dai ta dauki matasa irinta aiki, inda suma sana'ar ke taimaka musu a harkokinsu musamman ma na karatu baya ga wadanda yanzu haka suke koyon wannan sana'a a wajenta. A'isha Saje ta shawarci matasa da su nemi sana'o'in hannu, ta ce ta samun cikakken goyon baya da karfafa gwiwa daga iyayenta. A cewarta da hukumomi za su tallafawa matasa masu neman na kansu, za a rage matasa da ke zaman jiran samun aikin gwamnati wanda kuma ba samuwa ya ke yi ba.