1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaTurai

Sarki Charles na Ingila na ziyara a Faransa

Abulkarim Muhammad Abdulkarim
September 20, 2023

A wani mataki na farfado da alakar da ta yi tsami tsakanin Faransa da Ingila, Sarki Charles na Ingila ya kai ziyara Faransa inda ya gana da shugaban kasar Emmanuel Macron

https://p.dw.com/p/4WcKR
Frankreich König Charles zu Besuch in Paris
Hoto: Chris Jackson/REUTERS

Sarki Charles na Burtaniya ya sauka a birnin Paris a yau don fara wata ziyarar aiki ta kwanaki uku, inda zai gana da shugaban Faransa Emmanuel Macron don sake farfado da alakar da ke tsakanin kasashensu biyu da ta jima cikin halin zaman doya da man ja, musamman ma tun bayan ficewar Burtaniyar daga kungiyar Tarayyar Turai.

An dai shirya liyafar ban girma ga a yayin ganawar jagororin biyu, inda aka gayyato fitattun jarumai da 'yan wasa daban-daban 'yan asalin Burtaniya da Faransa, ciki har da tsohon mai horas da 'yan wasan Arsenal, Arsene Wenger da Didier Drogba na Cote'dIvore.

A baya dai Sarki Charles ya so yin bulaguronsa na farko tun bayan darewa kan gadon sarauta zuwa Faransa a cikin watan Maris din da ya gabata, to amma ya soke ziyarar sakamakon zanga-zangar kin jinin sauya tsarin Fansho da aka gudanar a Faransa a lokacin.